Naka-heightened alert ti Philippine Coast Guard kadagiti amin a unit-da kas panagsagana iti epekto ti panawen ti panagtutudo.
Segun ken ni PCG Commandant Admiral Ronnie Gil Gavan, ipaspasigurado ti ahensia ti kinatalged dagiti komunidad iti kabaybayan, maritime traveler, ken dagiti lugan a para iti kabaybayan iti baet ti pangta ti napigsa a tudo, layus, ken nadawel a kabaybayan.
Makikamkammayet ti PCG iti nadumaduma nga ahensia tapno bantayan ti kasasaad ti kabaybayan kadagiti rehion nga apektado iti habagat.
Immunan a binilinda dagiti deployable response group da a tumulong kadagiti lokal a gobierno iti evacuation ken rescue operations.
Innayon ni Gavan nga agtultuloy ti normal a biahe dagiti barko, ngem naing-inget ti isaysayangkatda nga inspeksyon tapno maliklikan ti overloading ken mapagtalinaed a natalged dagiti pasahero iti baet ti madi a paniempo.
