--Ads--
Naisalakan ti Philippine Coast Guard dagiti uppat a Norweigian national a naglugan iti SY NORA SIMRAD sailboat a nasarakan a tumtumpaw iti kabaybayan ti Cabugao Bay, Virac, Catanduanes.
Segun iti PCG, nakaawat ti Coast Guard Station Catanduanes iti distress call manipud iti sailboat ngem awan ti naawatda a sungbat idi pinadasda ti agradyo.
Gapu dayta, nakikammayetda iti Tactical Operations 5 ti Philippine Air Force tapno mangisayangkat iti aerial surveillance.
Kalpasan a nakumpirmaran ti posisyon ti sailboat, nairusat ti towing operation.
-- ADVERTISEMENT --
Natalged a naguyod ti bangka idiay Catanduanes idinto a dagiti Norweigian a crew members ket dagus a nacheck ti kasasaadda.
