Nainget a bambantayan ti barko ti Philippine Coast Guard a BRP Teresa Magbanua iti garaw dagiti barko a pangranget ken coast guard ti China a nakita iti 69.31 nautical miles iti Cabra island idiay Occidental Mindoro.
Kinumpirmaran ni Philippine Coast Guard spokesperson for the West Philippine Sea Commodore Jay Tarriela a nangisayangkat ti BRP Teresa Magbanua iti panagpatrolya iti lugar ken insayangkatda ti radio challenge iti People’s Liberation Army (PLA) Navy warship 793 tapno ipakita ti intensyonda iti lugar ngem awan ti tignay manipod ti barko a pangranget iti China.
Ngem ti escort na a China Coast Guard 4203 ket nagtignay ken impaganetgetda ti soberanya ken hurisdiksyon iti China iti nasao a kabaybayan.
Nagtultuloy iti shadowing ti BRP Teresa kadagiti barko iti PLA Navy ken CCG karamanen ti maysa pay a barko a pangranget a PLA Navy warship 164.
Gapu iti garaw dagiti nasao a barko iti China ket nangiruar ti crew iti BRP Teresa iti agsasaruno a radio challenge ngem awan ti naawatda a tignay manipod warship iti China.
