--Ads--
Saan a kayat ni Presidente Ferdinand Marcos Jr a delata amin ti maited a taraon kadagiti pamilia a nagbakwit kalpasan ti napigsa a gingined idiay Cebu.
Segun ken ni Marcos, nasken a masigurado nga adda umdas ken nasustansia a taraon dagiti evacuee, nangruna dagiti ubbing.
Malaksid iti ready-to-eat family packs ken relief goods, nangilatang ti gobierno kadagiti mobile kitchen tapno makaisaganada iti napudot a taraon para kadagiti agindeg a naapektaran.
Ti mobile kitchen ket patpatarayen ti Department of Social Welfare and Development a mangipaay iti hot meals kadagiti evacuee, nangruna kadagiti lugar a narigat a madanon ken kadagiti pamilia a saan pay nakasubli kadagiti pagtaenganda gapu iti gingined.
-- ADVERTISEMENT --
