Pursigido ni Presidente Ferdinand Marcos Jr nga ingato ti kalidad ti edukasyon iti pagilian.
Segun ken ni Marcos, maysa kadagiti wagas tapno maingato ti kalidad ti edukasyon ket siguradoen a nakasursuro dagiti pimmasa nga estudiante.
Dayta ket iti baet ti kunana a ti mapaspasamak itan ket pumasa lattan dagiti estudiante uray saanda nalaing nga agbasa gapu iti performance audit dagiti mangisursuro kada katapusan ti school year.
Insingasing ni Marcos nga aramaten a pagibasaran ti resulta ti exam dagiti agad-adal para iti performance review dagiti mangisursuro imbes a percentage ti pasado wenno bagsak iti klase.
Babaen iti dayta a wagas ket patien ti presidente a ngumato ti kalidad ti edukasyon iti pagilian nangruna ta adda panagadal a kutit ti pagilian maipanggep iti math, science, ken reading comprehension.
