--Ads--
Nakadepende iti linaon wenno dagiti probision ti anti-political dynasty bill no sertipikaran daytoy nga urgent ni Presidente Ferdinand Marcos Jr.
Segun ken ni Palace Press Officer Atty. Claire Castro, maammuan ti agbalin a tignay ti presidente no maisangpeten iti Office of the President ti bersion ti Kamara ken Senado.
Kasapulan a maadal ti gakat ken no nasayaat dagiti probisionna ket sa laeng agdesision ti presidente no sertipikaranna daytoy kas urgent bill.
Maragsakan ti presidente iti inaramid a public consultation dagiti kongresista ken senador iti anti-political dynasty bill tapno maala ti pulso ti publiko mainaig iti nasao a gakat.
-- ADVERTISEMENT --
