Nagpanawagan ni Presidente Ferdinand Marcos kadagiti Pilipino nga agbalin a disiplinado, ayaten ti pagilian ti sabali a tao kas paset iti New Year’s resolution para iti 2025.
Iti video message ni Marcos, kununa a kagiddan dagiti amin a proyekto ken programa ti gobierno ket kasapulan ti kooperasyon ti kada umili.
Innayonna a ti baro a Pilipino ket disiplinado, nalaing ken managayat iti pagilian, ken managayat iti padana a Pilipino, nga isu ti nasken nga ibiag ita a tawen ta awan ti Bagong Pilipinas no awan ti baro a Pilipino.
Malaksid dayta, pinasingkedanna pay a ti disiplina ket mangrugi iti bagi, iti pagtaengan ken iti komunidad babaen iti pananglimitar ti gastos kadagiti gadget ken tsismis, panangsurot iti pagannurotan iti trapiko ken husto a panagibelleng iti basura.
Para met iti bukod a New Year resolution ti presidente, kunana nga ad-adda nga annadanna ti salun-atna.
Suportaran pay ti presidente dagiti Pilipino tapno maiparangda ti talugadingda iti sangalubongan.
