--Ads--
Inallukoy ni Presidente Ferdinand Marcos Jr. dagiti estudiante a saanda a bukodan no ania dagiti paglaslasatanda ken agkiddawda iti tulong no kasapulan.
Segun ken ni Marcos, napateg ti kada biag ken saan pulos a maibilang a kinakapsut ti panagpatulong.
Binalakadan ni Marcos dagiti nagannak nga agbalin a silulukat iti pannakipatangda kadagiti anakda ken saan a tagibassiten ti kinapateg ti simple a panangipaay iti oras.
Impaganetget ti presidente a ti pudno a pigsa ti pagilian ket nakadepende iti kasasaad dagiti agtutubo, isu a napateg ti panagkaykaysa dagiti pamilia, pagadalan, gobierno, ken komunidad iti panangtarabay iti sumaruno a henerasion.
-- ADVERTISEMENT --
