Binalakadan ni Presidente Ferdinand Marcos Jr. dagiti epal a pulitiko nga isardengda ti panagaramat kadagiti serbisio ti gobierno tapno makapagpasikat iti publiko.
Kasaruno dayta dagiti naawat a mensahe manipud iti vlog-na nga impadanon ni Geraldo Buena a kasapulan a mapan iti court ti barangay dagiti senior citizen tapno makaala iti ayuda ken urayen ti epal a politika tapno agsao ken kanayon nga agpayam-ammo.
Segun ken ni Marcos, saan nga epektibo dagiti panag-epal iti distribution dagiti serbisio ti gobierno tapno agpulitika ken i-promote ti bagina.
Innayon ti presidente a maad-adal ti panagbalin a digitized ti proseso ken iti gcash laengen a maidalan ti ayuda dagiti senior citizen ken dadduma pay a serbisio para iti vulnerable sector ti kagimungan.
