Nagbiahen a mapan idiay Malaysia ni Presidente Ferdinand Marcos Jr tapno makipaset iti 46th ASEAN Summit and Related Summits.
Impaganetget ni Marcos ti pagkasapulan ti ASEAN iti husto a katulagan tapno masulbar dagiti parikut mainaig iti taripa nga impakat ti Amerika.
Segun ken ni Presidente Marcos, ti kaadda ti natibker a consensus iti uneg ti ASEAN ket napateg tapno masalwadan ti interes dagiti pagilian a miembro kontra kadagiti addang dagiti naturay a pagilian kas ti Amerika.
Inkari ti presidente nga ituloyna nga ipatungpal dagiti adbokasiya ti pagilian a mangital-o iti silulukat ken inklusibo a pagallagadan maibasar iti international order.
Dagiti caretaker ti pagilian kabayatan ti kaawan ti presidente ket da Executive Secretary Lucas Bersamin, Justice Secretary Jesus Crispin “Boying” Remulla, ken Agrarian Reform Secretary Conrado Estrella III.
Kadua ni Marcos da Presidential Communications Secretary Jay Ruiz, Trade and Industry Secretary Christina Aldeguer-Roque, ken Mindanao Development Authority head Tereso Magno.
