Linagip ni Presidente Ferdinand Marcos Jr. ti pimmusay nga amana ita a Father’s Day.
Segun ken ni Marcos, uray no nabayagen ti panawen a pimmusay ti amana a ni dati a Presidente Ferdinand Marcos Sr., adda latta naibatina nga adal a saanna pulos a malipatan.
Innayon ti presidente a nasursurona manipud iti amana ti kinapateg ti trabaho, panaggag-gaget ken panagpammati a marukod babaen iti panangipaay iti serbisio iti sabali a tao.
Gapu kadagiti nasursurona nga adal ken panagayat manipud iti pimmusay nga amana, napalaus ti panagyaman ti presidente.
Malaksid dayta, kunana pay a saan laeng a ti amana ti padayawanna ita a Father’s Day no di ket amin nga ama, lolo, madrasto, ken dagiti nagbalin nga ama a nangayat, nagsakripisio, ken nangmuli kadagiti anakda ken iti masangwanan ti pagilian.
