Pinasingkedan ni Presidente Ferdinand Marcos Jr a nadardaras para ken ni Vice President Sara Duterte ti sumango iti Senate impeachment court tapno sungbatan dagiti pammabasul kontra kenkuana.
Segun ken ni Marcos, no isuna a mismo ti akusado ket ad-adda a pilienna ti sumango iti impeachment trial uray pay no balakadan dagiti abogadona a saan a mapan.
Naituding ti impeachment trial ti bise presidente inton bigat, Lunes, Hulyo 6.
Sumangsango ti bise presidente iti uppat nga Articles of Impeachment gapu iti mapapati a saan a husto a panagaramatna iti confidential funds, saan a mailawlawag a kinabaknangna, panangpasuksok kadagiti opisial ti Department of Education, ken pangta iti Presidente, First Lady Liza Aranate-Marcos, ken dati nga Speaker Martin Romualdez.
