--Ads--
Kayat ni Presidente Ferdinand ‘Bongbong’ Marcos Jr ti alisto nga imbestigasyon no ania ti napasamak iti FA-50 fighter jet, a nasarakan idiay Mt. Kalatungan, Bukidnon.
Segun ken ni Palace Press Officer Usec Atty. Claire Castro, kayat a maamuan ti presidente no ania ti nagbalin a biddut ken dagiti mabalin a remedyo iti kastoy a klase ti pasamak.
Ti mapukpukaw nga FA-50 fighter jet ket nasarakan idi Mierkoles nga adda dua a tao ti kumpirmado a natay.
Immunan a naipakaammo a mapukpukaw idi agsapa ti Martes kabayatan iti tactical night operation kas panangsuporta iti ground troops, segun iti Philippine Air Force.
-- ADVERTISEMENT --
