--Ads--
Impaganetget ni Presidente Ferdinand Marcos Jr a nasken a masigurado ti gobierno a natibker ken adda makanay nga ebidensia dagiti kaso a maipilpila kontra kadagiti mairamraman iti korapsion tapno madusa dagiti pudno a nagbasul.
Binallaaganna dagiti nakapsot a kaso nga agkurang iti ebidensia a mabalin a mangitunda iti pannaka-abak iti korte, isu a nakarkaro pay ti agbalin nga epektona.
Innayon ti presidente a kasapulan a suroten ti gobierno ti linteg a mangdusa kadagiti nasao nga opisial tapno agbalin a lehitimo dagiti addang kontra kadakuada.
Immunan a kinondenar ti presidente dagiti adda pagbiddutanna nga opisial ken contractor iti State of the Nation Address a nangibulgaranna dagiti flood control project nga adda anomalyana.
-- ADVERTISEMENT --
