--Ads--
Kayat ni Presidente Ferdinand Marcos Jr a madusa dagiti adda iti likudan ti naduktalan a ghost farm-to-market roads idiay Davao Occidental nga aggatad iti P105 milion.
Segun ken ni Palace Press Officer Atty. Claire Castro, bayat nga umun-uneg ti imbestigasion kadagiti flood control project ket nanayunan dagiti naduktalan nga anomalya iti sabali a proyekto ti gobierno, kas ti farm-to-market road.
Kayat ti presidente a mabigbig dagiti adda iti likudan ti anomalya ken makaala iti natibker nga ebidensia a maipasango iti korte.
Nagpatangen da Department of Public Works and Highways Secretary Vince Dizon ken Department of Agriculture Secretary Francisco Tiu Laurel Jr nga agtinnulong iti pannakaimbestigar dagiti naduktalan a ghost project.
-- ADVERTISEMENT --
