Inkari ni Presidente Ferdinand Marcos Jr. nga agtultuloy na a depensaran ti freedom of speech iti pagilian ken siguradoen a maprotektaran ti karbengan ti publiko iti husto ken mapagtalkan nga impormasion.
Daytoy ti inyanunsio ni presidente Marcos iti panagdar-ay na ti Presidential Luncheon ti Foreign Correspondents Association of the Philippines (FOCAP) idiay Manila.
Segun ken ni Marcos, agtaltalinaed ti takder na a responsibilidad ti maysa a presidente nga isakit ken saan nga ikkatan ti press freedom.
Kabayatanna, pinasingkedan ni presidente Marcos dagiti karit gapu ti artificial intelligence, misinformation ken disinformation.
Gapu daytoy, inrusat ti gobierno ti Oplan Kontra Fake News tapno protektaran ti publiko kontra iti saan nga husto nga impormasion ken dusaen dagiti adda iti likudan na dagituy.
