--Ads--
Binilin ni Presidente Ferdinand Marcos Jr dagiti ahensia ti gobierno nga ited amin a mabalin a tulong iti pamilia ti overseas Filipino worker a natay iti missile attack idiay Haifa, Israel.
Maibasar iti Department of Foreign Affairs, kadua a natay ti Pilipina ti asawana nga Israeli ken dagiti katuganganna.
Nakipagladingit ti presidente iti pamilia ti saanen a nainaganan nga OFW ket imbilinna a masigurado a maiyawid a dagus iti Pilipinas ti bangkay ti OFW.
Naka-standby met ti Philippine Embassy idiay Tel Aviv tapno maited ti amin a kasapulan a tulong.
-- ADVERTISEMENT --
Agtultuloy a bambantayan ti gobierno ti sitwasion iti Middle East ken ipangrunada ti kinatalged ti kada Pilipino.
