--Ads--
Imbilinen ni Presidente Ferdinand Marcos Jr ti pannakabukel ti mapa a makabigbig kadagiti lugar nga adda pangtana iti storm surge no adda bagyo.
Iti situation briefing kadua dagiti nadumaduma nga ahensia ti gobierno para iti panagsagana iti Bagyo Pepito, linagip ni Marcos ti impaay a dakes ti Super Typhoon Yolanda.
Innayonna a maysa kadagiti kritikal nga elemento ti storm surge ket ti elevation above the high water mark.
Kayatna a sawen a no tallo metro ti storm surge a manamnama a dumuprak iti maysa a lugar, nasken a maibakwit dagiti agindeg iti lokasyon a nangatngato agingga lima a metro.
-- ADVERTISEMENT --
