Inkari ni Presidente Ferdinand Marcos Jr ti pannakaipatakder ti 40,000 a nayon a klasrum agingga malpas ti terminona kas paset iti major infrastructure a mangsulbar iti kinakurang dagiti pampubliko a pagadalan iti intero a pagilian.
Iti maikapat a State of the Nation Address ni Marcos, kinunana a nakurang 22,000 a klasrum iti napalabas a tallo a tawen ti naipatakder, ket gagemna pay a masurokan ta patienna a kaasi dagiti estudiante, ket saan a nasken a makurangan ti orasda iti klase gapu iti kinakurang ti klasrum.
Inallukoy ti presidente ti Kongreso a mangipaay iti consistent ken umdas a pondo para iti school infrastructure program ti DepEd.
Bigbigenna pay ti kinapateg ti 40,000 a nayon a klasrum iti panangpasayaat iti learning conditions nangruna ta agtultuloy nga ipatpatungpal ti pagilian ti learning recovery measure kalpasan ti pandemya.
