--Ads--
Impaganetget ni Presidente Ferdinand Marcos Jr a saan nga agdudua a personal nga agturong kadagiti lugar nga adda anomalya kadagiti flood control project ti gobierno.
Segun ken ni Marcos, kayatna a makita mismo dagiti proyekto a maibagbaga a palpak wenno naibilang a ghost project.
No saan met a makapan ket impasigurado ti presidente nga adda dagiti maipatulod nga engineer iti site nga isu ti aginspeksyon ken aktwal a mangireport iti sitwasyon.
Agtultuloy ti panawagan ti presidente iti publiko nga agipatulodda kadagiti ladawan wenno kwestyonable a proyekto.
-- ADVERTISEMENT --
Impasiguradona pay a maisardeng dagiti anomalya iti baet dagiti madukduktalan a ghost project.
