Binilin ni President Ferdinand Marcos Jr. iti Department of Science and Technology (DOST) a pasayaatenda dagiti warning systems para iti publiko tunggal adda natural a didigra a dumteng iti pagilian.
Malaksid pay dayta, binilin pay ti Chief Executive ti DOST a makitinnulong iti Department of the Interior ken Local Government tapno masigurado ti epektibo a pamay-an ti komunikasion no adda tropical cyclone tapno masigurado ti kinatalged dagiti umili.
Binilinna pay ti National Disaster Risk Reduction and Management Council a naannad nga adalen dagiti addangda a mangsungbat iti didigra tapno masigurado a maited ti dagus a tulong kadagiti apektado nga umili.
Imbilin pay ti Chief Executive iti Department of Public Works and Highways a siguraduenda a dagiti kalsada ken rangtay ket addaan iti slope protection design tapno makaadaptarda iti panagbalbaliw ti klima.
