Impaganetget ti Philippine Animal Welfare Society (PAWS) a nalipatan ti Diocese of Kalookan ti punto iti panagkiddawda iti pammakawan maipanggep iti naigalot a kalapati iti “Salubong” ritual idi Domingo.
Nagkiddaw ti pammakawan ni Fr. Mariano Bartolome Jr. a padi iti simbaan a mapapati a nagkamali iti ritual.
Immunan a nagkiddaw ti pammakawan ni Kalookan Bishop Pablo Virgilio Cardinal David ken agpada nga impaganetgetda a nabayagen a praktis iti simbaan manipod pay idi malpas iti World War II.
Iti baet a nagkari ti simbaan a saandan nga agipatayab iti balloon ken insigida a waya-wayaan ti kalapati kalpasan iti unveiling ket kinuna ti PAWS a kasla saanda nga ammo iti husto a gagemda ta iti inaramidda iti billit a pinagbalin a props ket mangipresentar iti krimen.
Allukoyenna ti grupo ti simbaan a sumurot iti Animal Welfare Act weno Republic Act 8485 a naamyendaran iti RA 10631.
