Kiniddaw ni Speaker Faustino ‘Bojie’ Dy III iti Department of Justice a kanselaren ti pasaporte ni dati nga Ako Bicol Rep. Elizaldy Co, a mairamraman iti mapapati nga anomalya iti public works projects.
Kinumpiramaran ni Dy a nagpatulong isuna ken ni dati a Justice Secretary nga ita ket Ombudsman Jesus Crispin Remulla tapno saan nga ipalubos ti panagbiahe ni Co iti sabali a pagilian kasaruno ti panagikkatna manipud iti kamara idi Setyembre 29.
Ni Co, nga agserserbi a House appropriations committee chair iti 19th Congress, ket sumangsango iti imbestigasion iti mapapati nga iregularidad iti flood control projects ken ti pannakairamanna iti kompania a Sunwest Inc.
No agsubli ditoy pagilian ni Co, maipasa ti kaso iti DOJ wenno Independent Commission for Infrastructure, nga isu ti mangidadaulo iti imbestigasion kadagiti anomalya iti public works projects.
