VIGAN CITY – Insingasing ti Commission on Elections (Comelec) kadagiti miyembro ti Kongreso nga adalen da a naimbag ti party-list system act ditoy pagilian tapnu masungbatan dagiti naduma-duma nga isyu iti kalkalpas a midterm elections nga adda pakainaigan dagiti partylist groups.
Segun ken ni Comelec spokesman James Jimenez iti pannaki-uman kenkuana ti Bombo Radyo Vigan, adda dagiti tallo a banag a kayat da a maadal a naimbag ta nu adda pannakabalin na ket masukatan wennu maamyendaran.
Kinunana, masapul a mailawlawag nu aniya dagiti grupo a mabalin nga agpapili kas partylist group; masapul a mailawlawag kadagiti partylist group nu kasanu iti panangkontar nu manu iti maited kadakuada a congressional seat kas maibasar iti botos wennu porsyento ti botos a naala da ken masapul a mailawlawag nu aniya dagiti pagannurutan inaig iti pannakapili dagiti partylist nominee.
© Commission on Elections/ Palacio del Gobernador, Intramuros, Manila
Maipalagip a nangrugi iti isyu ti partylist system gapu ti pannakaipalubos ni dati a National Youth Commission Ronald Cardema a mangibagi idiay Kongreso ti Duterte Youth Partylist.
