--Ads--
VIGAN CITY – Nakaaalan ti tiketna para iti 2024 Paralympic Games idiay Paris ni Para archer Agustina Bantiloc.
Kwalipikadon ni Bantiloc iti Bipartite Commission Invitation kalpasan a nagun-odna ti minimum qualification standard kas pinasingkedan ti Philippine Sports Commission.
Karaman isuna iti duo a nakaala ti bronze medal iti Compound Open Mixed Category iti Para Archer Olympic Qualifers idiay Thailand idi napan a tawen .
Gapo dayta, isunan iti maikapat a Filipino a nakaqualify iti Paris Paralympics kalpasan dagiti swimmers nga isuda Ernie Gawilan ken Angel Otom ken ni Allain Ganapin iti taekwondo.
-- ADVERTISEMENT --
Mapasamak ti Paris Paralympic Games inton August 28 agingga September 8,2024.
