--Ads--
Impakammu ni Ilocos Sur 1st District Congressman Ronald Singson a libre iti pannakaiospital dagiti agnaed ti primero distrito a nadangran iti napasamak a gingined.
Iti pannaki-uman ti Bombo Radyo Vigan kenni Congressman Singson, nakapagpasyar ti gruponan kadagiti umili a naapektaran iti gingined kangrunaan idiay Brgy. Calautit , Sto. Domingo a no sadino adda iti dua a pagtaengan a nadadael ken adda dagiti nadangran.
Maragsakan nga impakammu ti opisyal a libre iti pannakaiospitalda ta adda iti pondo a nailatang kadagiti nadumaduma nga ospital iti primero distrito.
Maipalagip nga idi kalman ket nagturong isuna idiay Brgy. Puro, Caoayan ta ipaima dagiti uppat a gasut limapulo a bilang ti 6 liters a mineral para kadagiti tattao.
-- ADVERTISEMENT --
