--Ads--
VIGAN CITY – Maysa a drayber ti nadunor iti pannakatukbob ti motorsiklo iti Mitsubishi Montero idiay Barangay Cabalanggan, Bantay, Ilocos Sur.
Ti motorsiklo a Yamaha NMAX ket minaneho ni Joel Paa Paiste, agtawen iti limapulo ket dua, taga-Tay-ac, Bantay.
Ti met Mitsubishi Montero ket minaneho ni Rhene Isidro Javier, agtawen iti uppat a pulo ket siam, taga-Centro 1, Claveria, Cagayan.
Maibasar iti CCTV footage, agpapalaud ti Montero idin ta idi nagflasher nga agsikko ket natukbob ti napaspas ti tarayna a motorsiklo.
-- ADVERTISEMENT --
Saan a naan-ano ti drayber ken pasahero ti Montero ngem ti drayber ti motorsiklo ti nadunor iti nadumaduma a paset ti bagina a naipaagas iti ospital.
Natakuatan a nakainom iti arak ti drayber ti motorsiklo idi mapasamak ti insidente.
