VIGAN CITY – Agtultuloy ti panagimbestigar dagiti kameng ti Magsingal municipal police station inaig ti napasamak a pammaltog idiay Brgy. San Julian idi rabii ti March 1.
Segun ken ni Police Maj. Rodel Del Castillo, officer-in-charge ti Magsingal PNP, rumrumuar iti imbestigasyonda nga aksidente a napaltugan ni Frankie Usana ni Rodel Parbo idi inasot na iti paltog na ta paltugan na kuma ti target da a ni alyas Valentin a tubo ti Cagayan nga agnanaed idiay Magsingal nga isu ti napan nagkamang kadagiti pannakabagi ti linteg.
Nagsagaba ti tama ti paltog iti abaga ni Parbo a rimuar pay ti bala iti tyanna a puon ti nakatayanna idinto a ni Usana ket agtaltalinaed iti ospital gapu iti dunor a sinagrapna.
Immuna iti dayta ket nakapatpatang ti Bombo Radyo Vigan ti ina ni Rodel Parbo a ni Gemma ket naidukit na a ti kaso a nakairamanan ti anak na iti motibo iti pannakapapatay na ta rimuar iti pakpakauna nga imbestigasyon a natambangan da Rodel kenni Franki a poon iti nakatayan ni Rodel.
Saan a patiyen ni Gemma a ti trabaho ni Rodel kas personal bodyguard ni dati a Mayor Alrico Favis iti kangrunaan a rason iti pannakapapatay na agsipud ta awan met iti ammo na a nakariri ti biktima kabayatan iti panagserbi na ken ni Favis malaksid laeng dagiti indarum da gapu iti pannakatambang na idi kallabes.
