Impanamnama ti Department of Public Works and Highways (DPWH) a masimpa nga insigida dagiti kalsada a nagabot-abot gapu iti epekto ti natudo a panawen.
Iti pannaki-uman ti Bombo Radyo Vigan ken ni Engr. Raynaldo Ablog a DPWH 1st District of Ilocos Sur, nu natudo iti panawen ket masansan nga adda dagiti paset ti kalsada nga agabot-abot ngem siguradoenna a kanayon a monitoren ken tignayan dagiti adda ti maintenance section.
Segun ken ni Ablog, iti 1st district iti probinsia ket masansan nga adda makita nga agabot iti kalsada ket idiay Bantay ken Sto. Domingo isu a nu makitada ket insigida a masullatan tapno saan nga isu iti pangitundaan iti aksidente.
Nupay kasta ket impanamnamana a matignayan to met laeng apaman a saan a natudo babaen iti panangipanda ti permanent cold mix wenno aspalto.
