VIGAN CITY- Ibilang ni Judge Bonhoefer Bernardez, acting judge ti municipal trial court in cities ti Bantay ken Vigan, a ti pannakapili ni Chief Justice Lucas Bersamin a kalugaranna a kasukat ni retired CJ Teresita De Castro ket pangta kadagiti agaramid iti maikaniwas iti linteg idiay Abra.
Segun ken ni Bernardez, dakkel ti maitulong ti baro a chief justice tapno mapagtalinaed ti linak ken talna iti probinsiya da ta no ngumato ti conviction rate ket agbuteng dagiti kriminal nga agaramid ti maikaniwas iti linteg.
Nupay kasta ket inlawlawag ti MCTC judge a ti saan a napintas nga imahen ti Abra ket napataud gapu kadagiti isolated cases a kimmaro gapu kadagiti nagwaras iti social media a palso nga impormasyon ken detalye dagiti paspasamak.
