Impaganetget ti Malakanyang a legal ti pannakakemmeg ni dati a Presidente Rodrigo Duterte ken awan ti pagibasaran dagiti pammabalaw kontra iti gobierno.
Segun ken ni Palace Press Officer Usec Atty. Claire Castro, kanayon a sumursurot ti gobierno iti katulaganda iti Interpol tapno maiserbi ti warrant nga inyulog ti International Criminal Court idiay The Hague, Netherlands.
Kabayatanna, pinasingkedan dagiti agassawa a da Ronald ken Marie Cardema a saan nga inawat ti Office of the House Secretary General Reginald Velasco ti impeachment complaint, uray no maysa daytoy a verified a reklamo nga inyendorso ni Duterte Youth partylist lawmaker Ducielle Cardema.
Idi Huebes, nangipila dagiti lider ti agtutubo iti petisyon iti Commission on Elections a mangkidkiddaw iti pannakakanselar ti registration ti Duterte Youth Partylist, segun iti National Union of People’s Lawyers.
