Impatangken ni Sec. Francis Tolentino nga agtultuloy a tartaripatoen ti Department of Labor and Employment (DOLE) ti karbengan ken pagsayaatan dagiti mangmangged.
Dayta ket iti baet iti maipatpatungpal a legal a proseso maipanggep iti temporary restraining order (TRO) a mangpapasardeng iti implementasion ti minimum wage hike iti National Capital Region (NCR).
Segun ken ni Tolentino, makikaysa ti DOLE kadagiti mangmangged iti panangiduron ti dignidadda ken pagsayaatan babaen iti tripartism.
Kinunana nga agtultuloy a supsuportaran ti DOLE ti wage hike ken agtaltalinaed a natalek a maresolbar ti patangan babaen ti husto a legal a proseso.
Immunan a pinasingkedan ni Tolentino a natalek isuna a masolbar ti legal a wagas ti pannakataktak ti nayon a sueldo tapno masigurado a maawat dagiti mangmangged ti nakaituding nga adjustment iti sueldoda.
