VIGAN CITY – Pabor ti Commission on Elections iti pannaka-aprubar ti House Bill 6095 wenno iti pannakaipangato iti spending limit campaign dagiti kandidato a tumaray inton eleksion.
Iti pannaki-uman ti Bombo Radyo Vigan ken ni COMELEC Spokesperson James Jimenez, patienda a makatulong ti nasao a paglintegan ta pudno a nababa ti dati a spending limit a rason no apay a mapilitan nga agswitik dagiti kandidato.
Kiddawenda nga adda iti nainget a monitoring kadagiti social media platform nga isu ti maysa kadagiti aramaten dagiti kandidato nga agkampania inton 2022 elections ta posible a mailimedda no mano dagiti nagastosda.
Kabayatanna, pinasingkedan ni Election lawyer Atty. Romulo Macalintal a rumbeng laeng nga ingato ti spending limit campaign expenses ken kasapulan a nalawag ti COMELEC a mang-evaluate kadagiti nagastos dagiti kandidato kalpasan iti eleksion.
