Pannakaipalubos a maaddaan iti agingga 4 nga asawa dagiti babai, naisingasing idiay Thailand

Naipasango iti kontrobersia ti kandidato iti kina-prime minister ti Thailand a ni Mongkolkit Suksintharanont.

Dayta ket kalpasan nga insingasingna a mapalubosan dagiti babai a maaddaan iti agingga uppat nga asawa tapno maital-o ti gender equality.

Napaspas a napagpatangan daytoy iti social media, nangruna ta mabigbig ti pulitiko kadagiti gakatna a para kadagiti babai.

Rimmuar ti isyu kabayatan ti panagsagana ti Thailand para iti general election inton Pebrero 8.