--Ads--
Kinumpirmaran ti Department of Education a fake news dagiti agwarwaras a makanselar ti K-12 program iti sumaruno nga school year.
Segun iti DepEd, awan kinapudnona dagiti agwarwaras a post iti social media mainaig iti mapapati a pannakaikkat ti Grade 11 ken 12 para iti School Year 2026-2027.
Naitampok kadagiti online post ti mapapati a waragawag manipud iti DepEd a saanen a maipatungpal ti K to 12 Program mangrugi inton June 2026.
Nadakamat pay kadagiti post nga adda dagiti dadduma a pagadalan a nangirusaten iti nasao a pammilin.
-- ADVERTISEMENT --
Nagpalagip ti DepEd a dagiti laeng verified sources ti pagtalkan, agraman dagiti official social media account ti DepEd Philippines, para kadagiti official announcement ken advisories.
