Maysa a drayber ti nadangran iti napasamak nga aksidente a nakairamanan ti Partas bus ken Mitsubishi L300 iti national highway ti Sta Lucia Road, Barangay Sabuanan, Sta. Lucia, Ilocos Sur.
Nabigbig ti drayber ti L300 va ni Orly Lusadan Bugat, agtawen iti duapulo ket pito, taga-Barangay Mabaay, Bauko, Mountain Province.
Ti met nagmaneho iti Partas bus ket ni Rodel Juan Abad, agtawen iti uppa a pulo ket lima, taga-Barangay Anonang Menor, Caoayan.
Adda iti daya a paset ti kalsada ti L300 idinto nga agpaabagatan met ti bus.
Idi nagtengda ti nakapasamakan ti insidente, bigla a nagsikko ti L300 ket nadungpar daytoy ti bus, rason ti pannakatulidna iti tengnga ti kalsada.
Gapu dayta, naglemma ti nadumaduma a paset ti bagi ti drayber ti L300 a naipaagas iti ospital para iti pannakatamingna idinto a saan a naan-ano ti drayber ti bus ken dagiti pasaherona.
