Nadunor dagiti dua a nagkalubbon iti motorsiklo kalpasan a dinungpar da iti pick-up a nasabat da idiay Cervantes-Quirino road, sakupen ti Barangay Rosario, Cervantes.
Ti nagmaneho ti Nissan Navara pickup ket agtawen iti duapulo ket tallo, residente iti nadakamat a barangay.
Ti met nagmaneho ti Honda click motorcycle ket menor de edad, awan ti driver’s license na, residente ti Barangay Dinwede East, Cervantes, backrider na ti pada a na a menor de edad, residente ti Barangay Concepcion, Cervantes, agpada da a saan a nakasuot ti helmet.
Basar iti imbestigasion, ti sumang-at a motorsiklo ket agturong iti amianan a direksion ket idi madanon da ti nakapasamakan ti insidente, nag-overtake daytoy iti sabali pay a motorsiklo ken napan iti bangir a linya ti kalsada.
Iti dayta a kanito, ti sumalog a pickup nga agturong iti abagatan a direksion ket nagsardeng apaman a nakita na ti motorsiklo ngem nadungpar latta isuna ti Honda click.
Gapu dayta, agpada a nadunor dagiti nagkalubbon iti motorsiklo ken dagus da a naitaray iti balay pagagasan para ti naan-anay a pannakataming da.
Saan a naan-ano ti drayber ti pickup iti napasamak ng aksidente.
