VIGAN CITY – Nayuswat iti safe pass iti probinsia a makatulong para iti contact tracing iti covid-19 kas pinasingkedan ni Gov. Ryan Singson.
Segun ken ni Gov. Singson ti safe pass ket mabalin a maaramat kadagiti business establishment a papanan ta saanen a kasapulan a makipila nga agsurat kadagiti pormas ta umunan nga agrehistro iti safe pass portal ket adda dagiti sumaganad a sungbatan ket addaanton iti rumuar a QRCode nga agserbi a health declaration.
Ti safe pass ket libre a sistema ken dakkel a tulong para iti Task Force para iti contact tracing no man bilang nga adda iti agpositibo iti nasao a sakit.
Allukoyen ti gobernador amin a Local Government Unit iti probinsia nga agaramatenda iti safe pass tapno nataltalged dagiti umili iti sadinoman a papananda.
Kabayatanna, ti probinsia pay laeng iti addaan iti nasao a sistema iti intero a pagilian.
