VIGAN CITY – Suportaran ti ACT Teachers Partylist a ti panangperma ni Presidente Rodrigo Duterte iti Republic Act 11480 a maisanud iti panaglukat ti klase gapu ti Covid19 pandemic tapno maikkan ti naan-anay a panawen ti Department of Education nga agsagana sakbay nga aglukat ti klase.
Iti pannaki-uman ti Bombo Radyo Vigan ken ni Rep. France Castro, adda ti karbengan ni Sec. Leonor Briones a mangisingasing no ania ti nasaysayaat a tiempo tapno maisayangkat ti klase ken nakaipaima iti ahensia no kasano a makompleto ti 220 nga aldaw a panagklase.VC – REP. FRANCE CASTRO – RE: RA 11480
Ingunamgunam ti kongresista a kasapulan nga ikkan ti nasao nga ahensia ti naan-anay a panawen ta ti bilang ti aldaw a nailanad iti probisyon ti linteg ket epektibo laeng kadagiti normal nga aldaw.
Iti agdama, saan pay laeng a nabaliwan ti August 24 a panaglukat ti klase kas pinasingkedan ti Malakanyang.
