Nagyaman ni Senador Panfilo “Ping” Lacson iti balligi a panagsubli iti pagilian dagiti 24 a Pilipino a naibalud idiay Russia iti uneg ti 9 a bulan.
Segun ken ni Lacson, maysa daytoy kadagiti kapatgan a nagbalin a bunga iti panagbisita ni Presidente Ferdinand Marcos Jr iti Russia kalpasan ti personal a pannakitaripnong ti presidente ken ni Russian President Vladimir Putin mainaig iti kasasaad dagiti Pilipino.
Iti maysa nga statement, kinuna ni Lacson a ti pannaka-wayawaya dagiti 24 a Pilipino ket dakkel a balligi a saan unay nga impaayan iti atension ti publiko.
Kunana a no saan a matignayan ti sitwasionda, posible a nabayag pay a maibalud iti laud a paset ti Siberia dagiti Pilipino.
Simmangpet iti Ninoy Aquino International Airport Teminal 1 dagiti 24 a Pilipino iti dua nga agsina a batch manipud Bangkok, Thailand.
