--Ads--
VIGAN CITY – Agtultuloy ti imbestigasyon dagiti kameng ti Bureau of Fire Protection inaig ti napasamak nga uram iti dumpsite idiay Sitio Nalasin, Brgy. Camanggaan, Vigan City idi rabii.
Segun ken ni Jericho Bello, maysa kadagiti gwardya iti dumpsite a nauram, adda dagiti aglutluto iti nasao a lugar ket posible a naliwayanda agingga idi pimmigsa ti angin ket isun ti puon ti uram.
Tinawagan da ti Bureau of Fire Protection- Vigan City tapno madepdep iti uram ngem narigatanda ta nadaras a nagakayamkam ti uram ken adu iti rinamaram na.
Ti agdama, dukduktalen dagiti otoridad nu siasino dagiti ibagbaga ni Bello a nagluto iti nasao a lugar ta isu iti pagsaludsudan da iti napasamak.
-- ADVERTISEMENT --
