Saan a makaapektar iti pannakaituloy dagiti agdama nga infrastructure projects ti nasurok 60 a contractor a manamnama a ma-blacklist gapu ta adu pay a kompania ti nasayaat ti performance-na.
Ti panangiblacklist ket kagiddan ti proseso iti panangibabawi kadagiti lisensia dagiti kontraktor a karaman kadagiti anomalia iti flood control project.
Iti agdama, adda 16 nga agdama a proseso para iti panangiblacklist dagiti kontraktor a karaman kadagiti anomalia iti imprastraktura, ken uppat kadakuada ti naibabawin ti lisensiana, segun iti Philippine Contractors Accreditation Board.
Mamati ti presidente a daytoy nga addang ti mangidalan iti napudno ken dagiti adda kabaelanna a kontraktor a mabayadan ti husto ken insigida.
Binilinna pay dagiti ahensia ti gobierno a dagus a bayadan dagiti kontraktor a nakalpasen kadagiti proyekto iti salinong dagiti kontratada.
