Nainget a kinondenar dagiti lider ti kamara dagiti nabiit pay a pangta ni Vice President Sara Duterte kada President Marcos, First Lady Liza Araneta-Marcos, ken Speaker Martin Romualdez, nga inawaganda dagiti balikasna a “reckless,” “dangerous,” ken “unbecoming of a public servant.”
Kinuestionaran ni Majority Leader Paolo Ortega ti mental state ni Duterte, ta dagiti balikasna ket “deeply concerning” ken saanen a maiparbeng.
Gapu dayta, inallukoyna ti Bise presidente nga ag-reflect kadagiti aramidna ken ikonsiderarna ti panagikkatna iti public service no agtultuloy ti ugalina a pangta ti national unity.
Immanamong met ni Assistant Majority Leader Zia Alonto Adiong ti pakaseknan ni Ortega, a nagpanawagan iti naing-inget a seguridad para iti First Family ken impaganetgetna ti kinapateg ti pannakasalaknib dagiti nation leaders para iti stability ken integrity.
Dagiti dadduma pay nga agpapanday-linteg, a pakairamanan da Jude Acidre ken Perci Cendaña, ket binabalawda ti ugali ni Duterte a “toxic” ken “repulsive,”, ken innallukoyda isuna a sungbatanna lattan dagiti issue na maipapan ti confidential funds imbes nga ag-drama.
Kinarit pay ni Cendaña ni Duterte a sumango iti House panel nga agimimbestigar kadagiti gastos iti confidential funds ti opisinana, idinto a binalakadan met isuna da ACT Teacher party-list Rep. France Castro ken former representative Antonio Tinio nga ipamaysana ti imbestigasion imbes nga ag-theatrical outbursts.
