--Ads--
Nagbalaag ni Senador Francis Kiko Pangilinan kontra kadagiti trader ken retailer iti profiteering ken hoarding ita nga agtultuloy ti tension idiay Middle East.
Nagpalagip ni Pangilinan, chairman ti Senate Committee on Agriculture, Food, and Agrarian Reform a ti kalkalpas a Semana Santa ket nangipalagip ti sakripisio ni Kristo, saan a ti panagbalin nga opportunist.
Inladawan ti senador ti profiteering ken hoarding kas “plainly illegal and immoral,” kangrunaan iti mapaspasaran dagiti Pilipino iti baet ti panagpangato ti presio dagiti produkto.
Nagpanawagan ni Pangilinan kadagiti consumer a dagus nga ipulong no adda panaglabsing a napasamak idinto a dinayaw na dagiti napudno a negosio ket patas a trader a saan a manang-gundaway ita a krisis.
-- ADVERTISEMENT --
