--Ads--
Impaganetget ti Malakanyang a saan a maikkat ti kalikagum ni Presidente Ferdinand Marcos Jr a makikappia iti amin, agraman ti pamilia Duterte, dagiti isyu a nakaipalaon iti impeachment case kontra ken ni Vice President Sara Duterte.
Segun ken ni Palace Press Officer Usec Claire Castro, awan ti pakainagan ti panawagan ti Presidente para iti panagkaykaysa kadagiti sangsangwen ti bise presidente a kaso.
Innayon ni Castro a gagem ti impeachment trial nga ammuen no ti maysa a lider ket rebbengna nga agtugaw iti maysa a posision ken iti talek nga impaay kenkuana dagiti umili.
Nupay kasta, dagiti umili ti manghusgar no rebbengna a pagtalkan ti bise presidente kadagiti nangatngato a trabaho iti masangwanan.
-- ADVERTISEMENT --
