Panangsukat iti liderato ni Cayetano, ad-adda laeng a mangpakaro iti sitwasion ti Senado — Yusingco

Patien ti maysa a political analyst nga ad-adda laeng a kumaro ti sitwasion no masukatan manen ti liderato ti Senado.

Dayta ket kasaruno dagiti tension a napaspasamak iti upper chamber iti salinong ti panangidaulo ni Senate President Alan Peter Cayetano.

Iti pannaki-uman ti Bombo Radyo Vigan ken ni Atty. Michael Henry Yusingco, no masukatan manen ti mangidaulo iti Senado ket ad-adda laeng a maipakita iti publiko a pudno a nagulo iti nasao nga institusion.

Posible pay a mangitunda iti political instability ta agbalinton a negatibo ti epektona kadagiti investor ken turista.

Insingasingna a nasaysayaat no pokusan dagiti senador ti akemda a mangbukel kadagiti paglintegan imbes a dagiti sabali a banag.