Paingeten ti Department of the Interior and Local Government (DILG) iti 911 emergency system iti pagilian kalpasan nga imbilin ni President Ferdinand Marcos Jr. nga iyakar ken ipan iti ti 911 system iti nayon a P500 million nga intelligence funds iti Philippine National Police.
Segun ken ni DILG Secretary Jonvic Remulla, karaman iti agbalin a reporma iti 911 ket ti panagbalin a fully integrated language-sensitive iti intero a pagilian.
Ti kayat a sawen ti nasao a banag ket ti maawatran ti sistema dagiti katutubo a lengguahe kas iti Iloko, Kapampangan ken Oragon.
Malaksid dayta, ti isasangpet ti tunggal fire truck ket mapasarunwan iti ambulansya ken maaramat iti limaribo a nurses iti Bureau of Fire Protection.
Agbalin payen nga integrated ti body camera ken located device iti tunggal police mobile ken police responder ken adda hyperlinks iti video iti maysa a pasamak.
Tapno maliklikan ti call pranks, dagiti motorsiklo wenno barangay pay laeng iti umuna nga agresponde tapno masigurado nga adda emergency iti lugar wenno mabalin nga aramaten ti video streaming-da.
Mapalag-an pay iti bidding procedures iti fire trucks ket manipod ti dua ket maingato iti sangapulo iti suppliers-da.
