Nagpanawagan ni House Senior Deputy Minority Leader ken Mamamayang Liberal (ML) Partylist Rep. Leila de Lima a papigsaen ken palawaen ti service contracting para kadagiti pampubliko a transportasion tapno maikkan ti natibtibker a kita dagiti tsuper ken nasaysayaat a serbisio para kadagiti pasahero iti tengnga ti agtultuloy a panagngato ti presio ti krudo.
Iti House Resolution No. 913, ma-allukoy ti DILG, DOTr, ken LTFRB nga adalen ti programa ken risuten ti kinakurang ti implementasion kasta met ti panangpasigurado ti nalawa a partisipasion iti agduduma a sektor ti transportasion.
Pinasingkedan ni De Lima nga iti dakkel a panagngato ti presio ti krudo ket adu dagiti nagsardeng iti panagpasada.
Dinakamat ti opisial nga uray doble ti in-ngataon ti diesel ket sinuspenso pay laeng ti Presidente ti fare hike ken limi0tado laeng ti maaw-awat a tulong dagiti tsuper.
