Saan pay a sigurado no matuloy ti kaunaan a BARMM Parliamentary Elections inton agtapos iti Marso.
Dayta iti pinasingkedan ti Commission on Elections (COMELEC) sumagmamano a bulan sakbay iti nakaituding a pannakaisayangkat iti eleksyon a namin-ano a darasen a naisanud.
Segun ken ni COMELEC Chairman George Erwin Garcia, awan pay ti linteg para ti redistricting law a mangituding iti parliamentary districts iti BARMM, ta kasapulan dayta tapno maisayangkat ti eleksyon.
Iti agdama ket pirma laeng ni BARMM Chief Minister Abdulraof Macacua iti kasapulan tapno agbalin a linteg ti Parliament Bill No. 415.
Impaganetget ti poll body iti kinuna ti Korte Suprema a saan a rumbeng a maaddaan ti redistricting iti sangagasut duapulo nga aldaw sakbay iti eleksyon isu a panaglabsing dayta no maituloy iti panagpipili inton March 30.
