Mangrugi ita nga aldaw ti panangapila ti certificates of candidacy para iti May 2025 midterm elections.
Segun ken ni Comelec Chairman George Garcia, systems go aminen para iti panagapila ti COC para kadagiti nasurok 18,000 a puesto inton sumaruno a tawen.
Inyunay-unay pay ni Garcia nga awaten ti Comelec ti amin a COC forms no la ketdi nakumpleto, notarized ken addaan iti documentary stamps.
Impalagipna kadagiti agtarigagay a tumaray inton 2025 nga unaenda a palpasen dagiti COC forms da sakbay nga agturongda kadigiti designated venue ken limitaranda laeng ti kaduada iti tallo.
Dagiti forms a saan a nakumpleto wenno naipasa iti wrong venue ket maibilang nga invalid.
Dagiti in-endorso dagiti political parties ket masapul met nga agipas iti Certificate of Nomination and Acceptance (CONA) agraman ti COC-da ta no saan, maibilangda nga independent candidates.
Segun kenni Garcia, ti comelec ket adda ministerial duty da nga umawat amin a COC uray dagiti adda pending cases wenno dadduma pay nga isyu.
